Падот на вредноста на криптовалутите покажува потреба од построги правила

23

Централната банка на Британија во вторникот предупреди дека неодамнешните падови на криптовалути кои збришаа повеќе од 2 трилиони долари ја нагласуваат потребата од построги финансиски регулативи.

Банката соопшти дека падовите ги изложиле недостатоците на крипто-пазарите кои потсетуваат на претходните финансиски превирања, пренесува Бета.

Екстремната нестабилност на крипто-пазарите доведе до масовна продажба и засилен пад на цените, објави банката во својот најнов извештај за финансиската стабилност.

Иако целокупната финансиска стабилност не е загрозена, банката е загрижена дека „системските ризици“ ќе растат бидејќи криптовалутите стануваат сè повеќе испреплетени со поширокиот финансиски систем.

Затоа таа повика на „подобрени регулаторни рамки и рамки за спроведување на законот“.

„Технологијата не ги менува законите на економијата и финансиите и ризиците“, се вели во соопштението.

Банката процени дека е неопходно да се воведе регулаторен систем кој ќе управува со тие ризици во крипто светот на ист начин како што се управуваат во конвенционалниот свет.