Паметна соларна ќерамида топи снег преку мобилен телефон

6

ssrt

Паметната соларна ќерамида – SSRT е уште еден новитет од сферата на градежништвото. Станува збор за изум зад кој стои мала група ентузијасти од Босна и Херцеговина, Харис Хамзиќ, Ермин Шуњ и Белмин Адиловиќ, заедно со менторска поддршка на професорот Адес Бучан, пишува порталот Klix.ba.

SSRT е ќерамида што ја штити куќата од различни временски услови, но со унапредени додатоци. Ќерамидата е изработена од висококвалитетни материјали, како што е плексиглас и карбон, чија функција може да се контролира преку паметен мобилен телефон.

ssrt 1

Една од функциите на ќерамидите е да се контролира топењето на снегот преку телефон. Топењето ќе биде овозможено со помош на грејачи во внатрешноста на ќерамидата, а на тој начин ќе се избегне проблемот со мразот или одрнување на големи делови снег од покривите.

“Дознавме дека во Босна и Херцеговина има една фирма што произведува ќерамиди што не се кршат, но вакво нешто како нашата со сите додатоци нема на ниту едно друго место во светот“, вели Хамзиќ.

ssrt 2

Оваа мала група ентузијасти го пријавија својот проект SSRT на глобалната платформа за инвестирање Indiegogo, каде што планирано е собирање на 1.150.000 долари.

“Причина за овој голем износ на средства е едноставен. Многу млади луѓе сакаат да си заминат од земјата во потрага по работа, но ние сакаме со тој голем износ на средства да отвориме фирма и да вработиме што е можно повеќе млади и амбициозни луѓе и на тој начин да ги задржиме во нашата земја“, објаснува Хамзиќ.