Паметните очила на Apple нема да бидат наменети за метаверзумот

108

Откако Марк Цукерберг ја објави промената на името на компанијата и се фокусираше на метаверзумот, се чини дека стана еден од најпопуларните термини во технолошката индустрија. Одеднаш, устите на сите се полни со метаверзум и сите размислуваат за таква иднина во која ќе поминуваме се повеќе време во виртуелни светови кои, според оние кои сакаат да ни ја продадат оваа технологија, треба да ни донесат нова форма на забава и искуство што не можеме да го доживееме во реалниот свет.

За пристап до таков метапростор ќе бидат потребни посебни уреди за носење на главата, односно паметни очила како оние што ги разви Меtа, односно нивниот Oculus.

Apple со години работи на паметни очила. Официјално, се разбира, компанијата не споменува ништо, но бројните гласини кои кружат за нив веќе открија дел од плановите. Според нив, првиот ваков уред за проширена и виртуелна реалност, Apple треба да го претстави на крајот на оваа година. Марк Гурман од „Блумберг“ минатата недела објави неколку нови детали за плановите на Apple, а особено интересен е делот за метаверзумот.

Како што му пренеле извори на Apple „сосема директно“, компанијата не ни размислува да ги користи нивните очила за пристап до метапросторот. Со оглед на тоа што добро ги познава размислувањата и плановите на тимот на Apple, вели дека би бил шокиран кога ќе го слушне зборот „метаверзум“ при презентацијата на очилата бидејќи директно од компанијата објасниле дека не ни размислуваат за виртуелни светови како Цукерберг.

Според нив, овие VR/AR очила нема да бидат наменети за целодневно носење, туку за играње, комуникација и консумирање содржини.

Што ќе донесат овие наочари треба да дознаат на крајот на годината, а за нив моментално само едно е сигурно – нема да бидат евтини и се споменува цифра од дури 3.000 долари.