Многумина во светот веќе не можат да си го замислат животот без iPhone. Овој мобилен уред на технолошкиот гигант Apple нуди многу апликации и игри, многу информации и забава, без оглед на местото и времето.
Business insider открива неколку сокриени опции што во голема мера ќе ја олеснат неговата употреба.
Блокирање на корисник
Доколку во именикот постои личност за која корисникот сака да биде недостапен, iPhone нуди опција за блокирање на повиците и смс пораките од тој број.
Siri чита електронска пошта
Личниот асистент на iPhone – Siri може да ја прочита електронската пошта.
Летови
iPhone може да го открие името на летот и висината на која се наоѓа одреден авион што се наоѓа над корисникот.
Пишување
Доколку корисникот на iPhone погреши при пишување или пак сака да почне од почеток, може да ја искористи командата undo со едно тресење на телефонот.
Либела
Во градежните работи за мерење на рамните површини се користи либелата, но корисниците на iPhone немаат потреба да купуваат такво нешто бидејќи нивниот мобилен уред може да измери дали одредена површина е рамна или не.
