Новите технологии, но и нарушувањата поврзани со пандемијата, ги редефинираа вештините што ви се потребни за успешна деловна кариера. Според извештајот за иднината на работните места на Светскиот економски форум, за кој беа анкетирани директори во 26 земји, повеќе од 70 отсто од работодавачите планираат да им понудат на своите работници преквалификација или дополнителна обука до 2025 година.
Експертот за развој на деловна кариера и директор на ResumeGo, Питер Јанг, кој прегледува повеќе од 1.000 биографии годишно, ги издвои петте најважни и најбарани вештини.
1. Познавање на програми за работа од далечина
Работата од дома станува се почеста појава. Колку и да ви звучи едноставно, набројувањето на основните вештини за работа од далечина во CV може да значи многу за работодавецот. Затоа спомнете дали имате искуство со програми за видео разговор како Zoom, Microsoft Teams и Webex Meetings или алатки за соработка како Slack, Trello и Monday.
2. Вештини за критичко размислување
Многу работодавци користат различни тестови за да се обидат да утврдат како функционира умот на идниот работник. Обично ги интересира колку се вешти во решавањето на проблемите. Без двоумење, напишете во вашата биографија дека „брзо учите“ и „размислувате критички“. Детално опишете што сте научиле или како сте решиле некој проблем на претходните работни места.
3. Дигитална писменост
Повеќе од 80 проценти од огласите за работа преку Интернет бараат основна дигитална писменост. Во зависност од индустријата, еве неколку основни програми што треба да ги знаете: табеларни пресметки: Excel, Google Spreadsheets, OpenOffice; социјални медиуми: Facebook, Instagram, Twitter, LinkedIn; веб и кодирање: HTML, Javascript, CMS; обработка на текст: Microsoft Office, Google Docs, DropBox Paper.
4. Анализа на податоци
Дури и ако не аплицирате за работа која бара анализа на податоци, не е на место да ја споменете оваа вештина. Под искуствата, опишете како сте ги анализирале податоците и ги користеле во вашата работа. Бидете што е можно поконкретни кога ги опишувате проектите во кои сте учествувале.
5. Истакнете ги вештините што ги бара работодавачот
Логично е работодавачот да ги цени вештините кои ги споменува во огласот за работа, но кога ќе ги наведете, не ги копирајте буквално условите. На пример, ако во описот на работното место е наведено дека ќе работите во тим, нагласете ги сите ваши искуства за тимска работа во вашето CV.
Ако описот на работата става многу акцент на одредени сертификати, ако ги имате – наведете ги на врвот на вашето CV.
Питер Јанг укажува на уште една важна работа што многумина ја забораваат. А тоа е дека подобро е да се претставите како совршен кандидат за работата што ја барате, отколку како кандидат кој може се.
