Грижата за домашните миленици не престанува дури и кога нивните сопственици се отсутни од дома со помош на уредите Petcube Bites и Petcube Play.
Станува збор за две интерактивни камери што на сопственикот му помагаат да се грижи за својот миленик и кога е отсутен од дома. Petcube Bite има задача да се грижи за миленикот и да му даде награда во форма на вкусен крекер, додека Petcube Play е наменет за игра од далечина со кучето или мачето.
Двата уреда се поставуваат во просторијата каде што се милениците, додека нивниот сопственик може да ги следи преку апликација на мобилниот уред и да дава усни наредби на своите миленици.
Зад дизајнот на Petcube Bites и Petcube Play стои американскиот старт – ап Petcube од Сан Франциско. Тие за својот проект бараат финансиска поддршка од околу 200.000 долари преку глобалната платформа за групно финансирање, Kickstarters.
