Пилотите на германската авиокомпанија „Луфтханза“ денес гласаа за штрајк, што се очекува да предизвика големи нарушувања за патниците.
Според официјалните податоци, во анкетата учествувале 90 проценти од пилотите на „Луфтханза“ и 95 проценти од пилотите на товарниот превоз на „Луфтханза“, а меѓу нив 88 проценти и 96 проценти гласале за штрајкот. Конкретниот датум на протестот сè уште не е објавен.
Главната причина за спорот се професионалните пензии за околу 4.800 пилоти. Синдикатот бара повисоки придонеси од работодавачите во пензискиот систем на компанијата, бидејќи од реформата во 2017 година, нивното ниво се намалило поради ниските каматни стапки.
