Околу 500 луѓе почнале со бета тестирање на социјалната мрежа на поранешниот американски претседател Доналд Трамп Truth Social, изјавиле два извори за Ројтерс.
Тестирањето на социјалната мрежа Truth Social доаѓа една година откако на Трамп му беше забранет пристап на Facebook, Twitter и YouTube. Неговиот нов медиумски и технолошки потфат, Trump Media & Technology Group (TMTG), вети дека ќе обезбеди, како што велат, интересно нецензурирано искуство „во апликацијата за која извршниот директор Девин Нунес рече дека ќе биде лансирана до крајот на март.
Сепак, сè уште е обвиткано во тајност и некои експерти изразуваат скептицизам. Останува нејасно дали целосната слобода на изразување може да коегзистира со правилата за користење пропишани од Apple и Google.
Пред Твитер да го забрани, Трамп имаше 88 милиони следбеници на таа социјална мрежа.