Поради недостаток на гориво, Британците масовно “гуглаат“ за е-возила

23

На бензинските пумпи во Велика Британија владее хаос. Нема гориво, т.е. нема доволно за да се исполни побарувачката, и се чини дека ситуацијата нема да се реши толку брзо, пишува zimo.dnevnik.hr. Големите редици, нервозата и кавгите, кантите за полнење гориво станаа секојдневна глетка, а причините лежат во неколку фактори, па затоа се споменуваат Брегзит и недостатокот на возачи на камиони.

Според податоците за пребарување на Google во Обединетото Кралство, поради недостаток на гориво, има зголемена побарувачка на Интернет за електрични автомобили. Од денот кога недостатокот на гориво стана широко распространет проблем во Британија (24 септември), побарувачката за термини поврзани со електрични возила во таа земја се зголеми за дури 1.600 проценти.

Слично како и некои други земји, Велика Британија иднината ја гледа во електрификација, додека продажбата на бензин и дизел треба да биде забранета од 2030 година. За да се случи тоа, индустријата за електрични автомобили се соочува со бројни предизвици. Еден од нив се однесува на инфраструктурата и големото зголемување на станиците за полнење електрични возила, како што се очекуваше дотогаш, самата технологија треба да напредува, така што батериите ќе бидат потрајни и побрзо да се полнат.