![3-1-1-2](https://biznisinfo.mk/wp-content/uploads/2024/07/3-1-1-2.jpg)
Европските и американските берзански индекси денеска се нерамномерни, додека на пазарите истовремено е забележан раст на цените на нафтата, златото и пченицата.
Индексот на Франкфуртската берза DAX денеска во 9:15 часот падна на 18.230,35 поени, исто како и московскиот MOEX на 3.039,24 поени, додека британскиот FTSE 100 се искачи на 8.223,00 поени, а францускиот CAC 40 на 7.440 поени.
Европските фјучерси на гас се продаваа на отворањето на берзата ТТФ по цена од 32.045 евра за мегават-час.
Цената на златото порасна на 2.369,29 долари за унца, а на пченицата на 5,3754 долари за бушел (бушел е еднаков на 27,216 кг).
Вредноста на еврото во однос на доларот изнесуваше 1,08526, што е приближно исто како во четвртокот.