Луксузен хотел со футуристички изглед кој многу потсетува на вселенскиот брод Enterprise од серијата Star Trek, е планиран да биде изграден половично под вода, во Малдивите.
Полските инженери од хотелот Water Discus добија зелено светло од националното министерството за туризам, дека можат започнат со градба на хотелот близу островот Kuredhivaru. Овој футуристички хотел ќе никне покрај коралните гребени и кристално чистите води на Малдивите.
Зданието ќе има два дела за да ги задоволи различните вкусови на гостите. Оние кои ќе сакаат да уживаат во глетката на подводниот свет, тропските риби и разнобојните корали ќе бидат сместени во подводниот дел, а оние кои повеќе преферираат поглед на сончевото сино небо ќе престојуваат во горниот дел на хотелот.
На надводниот дел ќе има хотел ресторан, спа центар, базен со морска вода, тропска градина и место за слетување на хелихоптери.
Во подводниот дел на хотелот, кој ќе биде изграден 30 метри под површината, ќе бидат сместени 21 соба со звучна изолација, бар, подморница и центар за нуркање кои ќе ги носи нуркачите директно во океанот.
Посетителите ќе можат да уживаат и во истражување на длабочините, да се возат со моторните бродови и подводните скутерии и да скијаат на вода.
