Рускиот Фонд за директни инвестиции (РДИФ) и српскиот Институт за вирологија, вакцини и серуми „Торлак“ објавија дека постигнале договор за производство на руската вакцина против коронавирус Спутник V во Србија. Производството во погоните на Торлак може да започне до мај, пренесе Танјуг.
Србија ќе биде првата земја во Југоисточна Европа што ќе ја произведува вакцината Спутник V, а подоцна ќе може да се извезува во соседните земји, се вели во соопштението.
“Србија е меѓу првите земји во светот што ја одобри Спутник V и ја користи вакцината за да го заштити населението од коронавирусот. Производството на руската вакцина во Торлак ќе обезбеди полесна логистика и ќе помогне во забрзувањето на програмата за вакцинација на земјата”, рече Димитријев.
Министерот за иновации и технолошки развој, Ненад Поповиќ, меѓу другото, рече дека производството на вакцината Спутник V во институтот Торлак ќе ги зајакне капацитетите на Србија да се бори против пандемијата на коронавирус и ќе отвори нови перспективи за дистрибуција на вакцината во Југоисточна Европа.
Фото: Facebook
