Минатата година, гостите резервираа околу 547 милиони ноќевања во земјите на ЕУ преку онлајн платформите Airbnb, Booking, Tripadvisor и Expedia.
Споредено со 2021 година, бројот на резервации е зголемен за половина, а во однос на преткоронавирусна 2019 година за седум отсто, објави Европската статистичка служба Евростат.
Во 2021 година преку гореспоменатите четири платформи се забележани 364 милиони резервации, а во 2020 година 272 милиони. Во годината пред коронавирусот 2019 година имало 512 милиони.
Само во последниот квартал од минатата година, гостите оствариле 97 милиони ноќевања преку онлајн платформите, што е за четвртина повеќе од последниот квартал од претходната година. Споредено со последниот квартал од 2019 година, кога статистичарите пријавиле 88 милиони ноќевања, бројката се зголемила за една десетина.
Фото: Pixabay