Германците помалку се плашат од пандемијата, а поголем страв им создаваат економските последици што ги остава, покажува истражување за “германските стравови“.
Од една страна опаѓа стравот поради доселување на мигранти, за Германците најголема опасност и понатаму е американскиот претседател, Доналд Трамп.
Веќе 28 години осигурителната компанија R+V нарачува истражување на јавното мислење за стравовите на Германците, а оваа година, кога светот го зафати пандемија, Германците покажуваат најмалку страв досега, пренесува SeeBiz.
Податоците покажуваат дека тие ги почитуваат правилата, како што е носење на маски, но вистинскиот страв од вирусот е присутен кај мал број испитаници.
Таканаречениот индекс на страв се намали од 39 на 37, што е најниско ниво од почетокот на 90-тите години на минатиот век.
Фото: Pixabay