Дејвид Фишвик е милионер кој се одлучил на необичен потег за да ги мотивира своите деца да работат, пишува Дејли Стар. Овој 51-годишен Британец имал скромни почетоци, не го завршил училиштето и се вработил како градежен работник.
Почнал да заработува со основање компанија која продавала минибуси и го заработил своето богатство по финансиската криза во 2008 година, кога основал сопствена банка за да им помогне на локалните бизниси да растат и неговата приказна била претворена во серијата на Нетфликс, Банката на Дејв (Bank of Dave).
Just been up in the clouds to clear my mind, what an incredible week it has been!#BankofDave @NetflixUKhttps://t.co/8p6QrB0fTH pic.twitter.com/ocCM4QmEm0
— Bank on Dave (@FishwickDavid) January 22, 2023
Ќе го донира своето богатство
Неговото богатство се проценува на околу 500 милиони долари, но милионерот изјавил дека нема намера да им остави пари на своите деца. Наместо тоа, тој одлучил да донира 99 отсто од своето богатство за да ги мотивира своите деца да работат, додавајќи дека не сака да ги „оптоварува“ со своето богатство.
„Важно е децата да работат напорно затоа што сум видел многу луѓе кои станале успешни и богати и ги разгалуваат своите деца, кои воопшто немаат разбирање од пари. Ќе дадам 99% од моето богатство кога ќе умрам- која и да е недела или година“, објасни тој.
Важноста на работната етика
Фишвик додаде дека порано работел на три работни места, што развило извонредна работна етика што сака да им ја пренесе на своите деца.
„Важно е да се има работна етика и мислам дека напорната работа ве води таму каде што среќата ќе ве најде. Моите деца не секогаш се согласуваат со тоа, но тие се добри деца“, рече тој.
Фото: Facebook
