Прада се приближува кон договорот за купување на Версаче од Capri Holdings Ltd. откако вториот се согласи на цена од речиси 1,5 милијарди евра (1,6 милијарди американски долари).
Модната компанија од Милано и Капри Холдингс би можеле да го финализираат преземањето на познатиот италијански луксузен бренд за конфекциски производи веќе овој месец, велат упатените за Bloomberg. Преговорите напредуваат откако првичната анализа не откри ризици, велат тие. Времето и оценката би можеле да се променат, а преговорите теоретски сепак би можеле да пропаднат.
Капри го купи Версаче во 2018 година за околу 1,8 милијарди евра. Двете компании одбија да ги коментираат овие наводи за медиумите. Акциите на Прада поскапеа за дури 3,9% во понеделникот наутро на берзата во Хонг Конг.
Потенцијалното стекнување на модната куќа основана од покојниот дизајнер Џани Версаче во 1978 година ќе и овозможи на Прада да создаде поголем италијански „играч“ на пазарот, за подобро да се натпреварува со светските луксузни групи како што се LVMH или Kering.