Францускиот производител на автомобили Рено и неговиот јапонски партнер Нисан изјавија дека водат „доверливи дискусии“ за идната соработка, додавајќи дека Нисан размислува да инвестира во единицата за електрични возила на Рено што допрва треба да се формира.
„Компаниите продолжуваат да поттикнуваат структурни подобрувања за да обезбедат одржливо работење и управување со Алијансата. Секоја понатамошна комуникација ќе биде спроведена од страна на членките на Алијансата во догледно време“, се додава во заедничката изјава на Renault и Nissan во понеделникот.
Извор запознаен со ова прашање рече дека Nissan врши притисок врз својот француски партнер да го намали својот удел во јапонскиот производител на автомобили што е можно повеќе, идеално до 15%, и може да размисли за собирање средства за откуп на акции.
Акциите на Renault пораснаа за 5% во почетокот на тргувањето по веста, подобрувајќи ја акционерската позиција на компанијата наспроти францускиот репер CAC-40 капитален индекс, објави Ројтерс.
