Прехранбен гигант започнува со производство на месо од растително потекло во Србија

31

Во Сурчин, Србија се планира изградба на нова фабрика на Нестле, која ќе има дел за производство, замрзнување и пакување.

Имено, Секретаријатот за заштита на животната средина на град Белград објави јавен увид во барањето за одлучување и потребата од оцена на влијанието врз животната средина на проектот на производниот капацитет Nestle PBMS во Сурчин, поднесено од Nestle Adriatic S доо Белград.

Како што стои во проектот изработен од компанијата Д.А. Дизајн архитектура доо, планирана е изградба на фабриката Nestle PBMS (Plant Based Meal Solutions – прехранбени производи од растителна основа) која ќе произведува четири типа производи (бифтек, медалјони, гради и филе), на база на соја, глутен, масло од репка, екстракт од квасец, брашно, оцет и вода, со додадени ароми.

Се наведува дека развојниот план на Nestle Adriatic S предвидува проширување на палетата на производи, па затоа ја избра производствената локација во Србија за производство на нови производи од растителна основа, пренесува Екапија.