Новата генерација на Peugeot 5008 пристигнува стандардно со седум седишта и три погонски верзии
Третата генерација на Peugeot 5008 се приклучува во конкурентниот SUV сегмент. Достапен е со целосно електричен погон како Peugeot e-5008, но семејниот транспортер со три реда седишта е достапен и со plug-in хибридна поставка. Алтернативно, францускиот бренд планира да додаде во понудата и поевтин благ хибриден модел.
Во суштина, новиот 5008 е зголемена верзија на најновиот 3008 претставена во 2023 година. Поставен е на истата платформа STLA Medium. Третиот ред на седишта е овозможен од продолженото меѓуоскино растојание кое изнесува 2,9 метри (2,74 кај 3008) и исправено задно стакло, иако дури и со таа дополнителна должина на располагање, багажниот простор со сите три реда поставени е ограничен на 259 литри. Кога ќе се спушти последниот ред седишта просторот за товар се зголемува на 748 литри, што далеку ги надминува оние 520 литри што ги нуди е-3008.
Батерии и опсег
Како и e-3008, e-5008 започнува со верзија со еден мотор со погон на предните тркала со моќност од 214 КС и опсег на движење од 500 километри од неговата батерија од 73 kWh, а купувачите имаат можност да се определат и за конфигурација со долг дострел. Таа верзија ги добива истите 345 Nm како основниот модел, но малку поголема моќност 231 КС и поголема батерија од 98 kWh за автономија на движење од 660 километри.
Врвот во понудата на Peugeot е-5008 е Electric 320, кој додава мотор од 109 КС на задната оска за вкупна моќност од 320 КС. Поради дополнителната тежина, батеријата од 98 kWh ги овозможува истите 500 километри опсег како и верзијата од почетната класа.
Сите три верзии се задоволуваат со електрична енергија од 400 волти и брзина на полнење DC од 160 kW што може да додаде 100 километри досег за 10 минути или да ја наполни батеријата од 20 до 80 проценти за 30 минути. Сопствениците кои сакаат да полнат дома, што ќе бидат повеќето од нив, стандардно добиваат вграден полнач од 11 kW, но може да го надградат до 22 kW за побрзо полнење.
Хибридни верзии
Кога станува збор за хибридите, 5008 е достапен од лансирањето со истиот 48-волтен благ хибриден 1,2-литарски трицилиндричен мотор со 136 КС што веќе го има кај 3008. Електричниот мотор на 5008 Hybrid 136 e-DCS6 е скриен во задолжителниот шестстепен менувач со двојна спојка што ги придвижува предните тркала и се тврди дека ја намалува потрошувачката на гориво за 15 проценти во однос на еквивалентен (хипотетички) нехибриден 5008.
Peugeot, исто така, вели дека благиот хибрид може да работи до 50 проценти од времето во електричен режим, иако само во урбани ситуации со мала брзина. Купувачите кои сакаат повеќе електрична автономија, но не сакаат вистински ЕВ, тука е plug-in хибридниот 195 e-DCS7. Оваа верзија комбинира електричен мотор од 125 КС со мотор со внатрешно согорување од 150 КС и може да помине 79 км во режим на нулта емисија.
Ентериер
Внатре, покрај дополнителните седишта, e-5008 изгледа речиси исто како својот помал брат. 21-инчниот панорамски i-Cockpit дисплеј на Peugeot е стандарден и во Allure и GT изведба, двете достапни нивоа на опременост, како и амбиенталното осветлување, безжичниот полнач за телефон, влезот без клуч и LED фаровите. Моделите GT не добиваат повеќе коњски сили или опсег на движење, а наместо тоа носат двобоен финиш со црн покрив, тркала од 20 инчи, загреани и електрично управувани седишта од Алкантара и адаптивен темпомат.
Peugeot нема да ги открива цените за новиот e-5008 сè до датумот кога ќе стартува продажба во септември.
Преземено од Avtoplus.mk
