Преполовена цена: Биткоинот се тргува по цена од околу 35.000 долари

88

Пазарот на криптовалути претрпе голем пад во последните неколку дена, но, според веб-страницата Коингеко, тој денес се стабилизира. Пазарната капитализација благо закрепна, за 1,8 отсто и моментално изнесува 1,74 трилиони долари.

Биткоинот денеска се тргува по цена од 35.759 долари, што значи дека во последните 24 часа изгубил дополнителни 0,7 отсто.

Цената на етереумот е речиси непроменета во однос на вчерашната, т.е. неговата вредност падна за 0,4 отсто и моментално се тргува по 2.504 долари.

Инаку биткоинот  вчераво еден момент падна на 34.350 долари, според платформата Coinmarketcap, што е речиси половина од максималната вредност што ја достигна во ноември минатата година кога се тргуваше за над 68.000 долари.