Прескапа за одржување: ЕЦБ ја продава скулптурата на еврото

108

Често користениот симбол за приказните за Европската централна банка (ЕЦБ), сината скулптура на еврото, висока 14 метри и 50 тони, сега е на продажба бидејќи стана прескапа за одржување, пишува Политико.

Делото на германскиот уметник Отмар Хорл го одржува непрофитната организација Франкфуртер Култур Комитет, со која раководи Манфред Пол веќе 21 година, а тој додава дека зголемениот вандализам и недостигот на спонзори доведоа до одлуката за аукција на скулптурата во октомври.

Контактиравме 110 банки во изминатите 12 месеци, а 90 од нив не ни одговорија, рече Пол.

Европската централна банка, која обезбедуваше 15.000 евра годишно за одржување на скулптурата, исто така не е заинтересирана за дополнително финансирање, ниту присуствуваше на состанок во април за да се обезбеди одржување, рече тој.

Пол, сепак, додава дека неговата организација добила писма за интерес од бројни поединци и компании.