Универзална Инвестициона Банка АД Скопје (УНИБанка) преку Македонска берза информираше за претстојна измена во своите органи на управување. Претседателката на Управниот одбор на Банката, Милка Тодорова, официјално поднесе барање за престанок на функцијата до Надзорниот одбор на 27 февруари 2026 година.
Од Банката појаснуваат дека Тодорова нема веднаш да ја напушти позицијата. Таа ќе продолжи да ја извршува функцијата во наредните три месеци, односно до 31 мај 2026 година, со цел да се обезбеди континуитет во оперативното работење на институцијата.
