Во февруари Google го објави првиот преглед за програмери (Developer Preview) за Android 13. Минатиот месец го лансираше вториот преглед на програмерите, а вчера ја лансираше првата бета верзија на новиот оперативен систем.
Значи, работите се одвиваат прилично брзо за најновата верзија на Android. Доколку се оди според планот, можеме да очекуваме порано лансирање на стабилна верзија на оперативниот систем во споредба со минатата година.
Дел од причината зошто работите се движат толку брзо оваа година е тоа што Android 13 не е толку голем скок во споредба со Android 12 како што Android 12 беше со неговиот претходник.
Затоа оваа прва бета верзија на Android 13 нема премногу сосема нови функции.
Друга причина е веројатно тоа што Google чуваа некои информации за својата I/O конференција која започнува на 11-ти мај. Гигантот веројатно сака да ги задржи големите најави за нивниот најголем настан во годината.
Како и да е, бета е тука и сакаме да видиме што има да понуди.
Во основа, има три нови функции во Android 13. Тие се главно за програмери, но една од нив ќе има значително влијание врз корисничкото искуство.
