Продажбата на електрични автомобили во Европската Унија достигна рекорд во првите осум месеци од 2026 година, со раст од 45 проценти на годишно ниво, бидејќи производителите брзо го прошируваат својот асортиман на попристапни модели за да ги исполнат европските цели за намалување на емисиите, според анализа објавена денес од еколошката организација „Транспорт и животна средина“ (T&E).
Во периодот од јануари до август, продадени се 1,64 милиони целосно електрични автомобили, додека нивниот удел во вкупната продажба на нови возила достигна 22 проценти, што е за шест процентни поени повеќе во однос на истиот период минатата година, објавува „Ројтерс“.
T&E проценува дека 2026 година е пресвртница за достапноста на електрични автомобили, бидејќи изборот на модели се зголемил за околу 50 проценти за само една година.
