Германскиот производител на спортски автомобили „Порше“ објави дека забележал пад на продажбата од 16 проценти во првите девет месеци од оваа година поради тешките услови на клучните пазари во Кина и Северна Америка.
Компанијата продаде 178.532 возила низ целиот свет во овој период.
„Во постојано предизвикувачка пазарна средина, компанијата продолжува доследно да ја спроведува својата стратегија за продажба ориентирана кон вредност и да одржува избалансиран однос помеѓу понудата и побарувачката“, се додава во соопштението.