Според податоците на Државниот завод за статистика, во март 2024 година, продажните цени на производителите на индустриски производи, вкупно, се повисоки на месечно ниво за 0.5 %, а се пониски на годишно ниво за 1.5 %.
Во март 2024, во споредба со февруари 2024 година, продажните цени на производителите на индустриски производи, вкупно, се пониски во секторот Рударство и вадење на камен за 0.1 %, а се повисоки во секторот Преработувачка
индустрија за 0.3 %, во секторот Снабдување со електрична енергија, гас, пареа и климатизација за 5.6 %, додека во секторот Снабдување со вода; отстранување на вода, управување со отпад и дејности за санација на околината
остануваат непроменети.
Во март 2024, во споредба со март 2023 година, продажните цени на производителите на индустриски производи, вкупно, се пониски во секторот Рударство и вадење на камен за 8.4 %, во секторот Преработувачка индустрија за 1.3 %, додека се повисоки во секторот Снабдување со електрична енергија, гас, пареа и климатизација за 0.1 % и во секторот Снабдување со вода; отстранување на вода, управување со отпад и дејности за санација на околината за 1.6 %.
