Цените на нафтата во вторникот паднаа на меѓународните пазари на 82 долари под притисок на стравувањата дека американската централна банка би можела да продолжи со агресивно зголемување на каматните стапки, што ќе ја ограничи економската активност и побарувачката на нафта.
Утрово цените на нафтата продолжија да паѓаат и сега се тргуваат по цени од под 80 долари за барел. Нафтата Брент се тргува по цена од 78,84 долари за барел, додека американската ВТИ за 73,75 долари за барел.
Трговците стравуваа дека американската централна банка може да продолжи со агресивно зголемување на каматните стапки за да ја ограничи инфлацијата бидејќи податоците за услужниот сектор сигнализираа силен раст на економската активност.