Нето добивката на руската компанија Гаспром на крајот на минатата година изнесува 747 милијарди рубљи (9,47 милијарди долари), се наведува во финансискиот извештај на гасниот гигант. Во 2021 година, Гаспром објави 2.684 милијарди рубљи (35,13 милијарди долари) нето добивка, што значи дека профитот на компанијата паднал 3,6 пати во една година.
Според податоците на Комерсант, производството на гас во Русија минатата година е намалено за 11,8 отсто на 672 милијарди кубни метри. Падот се случи поради прекинот на испораката на руски гас во Европа, односно намалувањето на нивното историски минимално ниво.
Директорот на Гаспром, Алексеј Милер, во декември минатата година најави дека обемот на производство на гас во компанијата до крајот на 2022 година ќе изнесува 412,6 милијарди кубни метри, од кои 100,9 милијарди се наменети за испорака во земји надвор од ЗНД.
