Буџетот на Саудиска Арабија ќе биде во дефицит бидејќи цената на нафтата паѓа и поради огромните проекти насочени кон трансформација на економијата на азиската земја, соопшти Меѓународниот монетарен фонд (ММФ).
Како што се очекуваше, Саудиска Арабија најверојатно ќе има дефицит од 0,1 отсто од бруто домашниот производ (БДП) оваа година и околу 1,1 во 2025 година, објави Блумберг.
ММФ предвидува просечен дефицит во саудиската каса од 2,9 отсто во периодот меѓу 2026 и 2029 година. Тоа би претставувало значителен пресврт од 2022 година, кога нафтата скокна на речиси 130 долари за барел по почетокот на војната во Украина, а буџетскиот суфицит на Саудиска Арабија беше речиси 14 отсто од БДП. Оттогаш цените на нафтата паднаа, особено во последните месеци поради стравувањата за состојбата на американската и кинеската економија.
Оваа недела, Брент (мешавина од висококвалитетна сурова нафта) падна за повеќе од шест отсто на околу 73,50 долари за барел, што е далеку под она што му е потребно на саудиското кралство за да го балансира својот буџет.
