Европската унија мора да обезбеди нови стимулации за купување електрични возила и да им помогне на производителите со даночни олеснувања за да се поддржи „зелената мобилност“, велат од здружението на производители ACEA.
ACEA ги претстави барањата во „манифест“ и ги упати до Европскиот парламент и Европската комисија, предлагајќи „повеќе стимулации за купување, програми за набавки и даночни олеснувања за потрошувачите и компаниите“.
Индустријата мора да соработува со политичарите и да создаде услови за производство на широк асортиман на возила погодни за климата, вклучувајќи мали, достапни електрични возила кои би можеле економично да се произведуваат во Европа, рече претседателот на асоцијацијата Лука де Мео.
Нема сомнеж дека во атмосферата треба да се испушта помалку јаглерод диоксид, кој е штетен за климата, велат производителите на автомобили.
Автомобилската индустрија е клучен економски сектор во Европа. Податоците на ACEA покажуваат дека таа вработува околу 13 милиони луѓе и претставува седум отсто од бруто домашниот производ (БДП) на ЕУ.
