Руското производство на нафта го забележа најголемиот пад во јуни во последните 20 години, од 2006 година, поради повторените напади врз рафинериите во земјата, објави руската статистичка агенција Ростат.
Производството се намали за 12 проценти во споредба со мај и за 21,7 проценти во споредба со претходната година. За првата половина од годината, падот достигна 7,7 проценти. Производството веќе беше намалено во април во споредба со претходната година за 9,2 проценти, а потоа во мај за 13,5 проценти.
Тој пад доведе до недостиг на бензинските пумпи и зголемување на цените.
Помеѓу 14 и 20 јули, цените на бензинот се зголемија за 1,7 проценти, а на дизелот за 1,9 проценти. Од почетокот на годината, нивните цени се зголемија за 18,3 проценти и 20,2 проценти, според податоците на Ростат.
Соочена со недостиг, Русија почна да увезува бензин и дизел и одобри даночни олеснувања за увезените горива.
Вицепремиерот Александар Новак изјави дека има делумна стабилизација на пазарот. Воведени се и ограничувања на горивото за одредени руски воени единици.