Претседателот на Управниот одбор на Макпетрол АД Скопје, Андреја Јосифовски, се стекнал со 88 обични акции од компанијата, информираа од Македонската берза.
Инаку просечната цена по која се тргувала акцијата на Макпетрол вчера изнесува 116.250,50 денари.
Според објавата доставена до Берзата, трансакцијата е извршена во согласност со член 34, став 1, алинеја 7 од Правилата за котација на Македонската берза на хартии од вредност АД Скопје, која ги уредува обврските за навремено информирање на јавноста од страна на издавачите и овластените лица.
Оваа набавка на акции од страна на висок функционер во компанијата е важен сигнал за инвеститорите, бидејќи често се толкува како знак на доверба во стабилноста и идниот развој на една од водечките компании во енергетскиот сектор во земјава.