Рускиот претседател Владимир Путин и наредил на својата администрација сериозно да размисли за нов систем за забрана на „токсични“ содржини на Интернет, јавува Ројтерс, но не соопшти други детали.
Споменатиот нов систем, кој беше на списокот со претседателски наредби на веб-страницата на Кремљ, е опишан како „саморегулиран регистар на токсична содржина“ што ќе се користи „за заштита на малолетниците“.
Кремљ ќе го разгледа до 1 јуни. Претходно, Путин навести планови за сузбивање на несаканата онлајн содржина и го обвини Интернетот за корумпирање на младите луѓе и поттикнување улични протести кои руските власти ги опишаа како екстремистички.