Работа од плажа: Италијански остров плаќа 15.000 евра за да се преселите таму

102

Сонувате да живеете во Италија? Можеби за рбота од плажа?

Fortune пишува дека Сардинија, италијански остров во Средоземното Море, објави дека ќе им плати на луѓето до 15.000 евра за да се преселат таму. За финансирање на програмата, регионалната влада одвои 45 милиони евра за 3.000 новодојдени.

„Создадовме услови младите да одлучат да останат и да го развиваат економското ткиво на најкревките територии“, рече претседателот на Сардинија, Кристијан Солинас, во соопштението за печатот.

Смета дека не може да има раст без реално подобрување на условите на загрозените територии и внатрешни подрачја, „кои нужно мора да поминат низ нови политики за територијална репопулација“.

И токму тоа е „уловот“.

Прво, ќе треба да се преселите во град со население од помалку од 3.000 жители. А добиените пари мора да се искористат за реновирање на новокупената куќа. Исто така, ќе треба да аплицирате со полно работно време и, во рок од 18 месеци, законски да ја регистрирате Сардинија како место на постојан престој.

Целта е да се запре падот на населението во Сардинија, еден од многуте региони во Италија каде што малите градови брзо губат жители.