Нивото на водата во Рајна падна на рекордно ниско ниво, додека Европа сè уште е погодена од топлотен бран, покажаа податоците од Германската агенција за внатрешна пловидба (WSV).
Поради отежнатата пловидба, голем дел од товарниот транспорт е пренасочен кон камиони и возови, објави Ројтерс.
Поради екстремно ниското ниво на водата, пловидбата е значително отежната, па затоа голем дел од товарниот транспорт е пренасочен кон камиони и железници, објави Ројтерс.
Рајна претставува еден од најважните транспортни коридори во Европа. Превезува големи количини хемикалии, гориво, суровини и други стоки, поради што секое сериозно нарушување на пловидбата може да има последици за индустријата.
Ниското ниво на водата веќе предизвикува проблеми за германските компании, кои предупредуваат на зголемување на трошоците за транспорт, доцнење во испораките и можно намалување на производството.
Дополнителен проблем е што поради ниското ниво на водата, товарните бродови не можат да пловат со полн капацитет, па затоа компаниите мора да користат поголем број пловила или да ја префрлат стоката на други видови транспорт.
Според проценката на Килскиот институт за светска економија, доколку нивото на водата кај Кауб остане под 78 сантиметри 30 дена, индустриското производство би можело да се намали за околу еден процент.
