Расположението на европските потрошувачи се влоши во март 2025 година, сигнализирајќи растечки песимизам во услови на нагло зголемување на цените, според прелиминарното месечно истражување на Европската комисија.
Индексот што ги мери очекувањата на потрошувачите во еврозоната падна за 0,9 поени во однос на февруари и изнесуваше минус 14,5 поени. Во февруари е зголемен за 0,6 поени.
Влошување на почетокот на пролетта покажува и индексот за мерење на очекувањата на потрошувачите во ЕУ, со пад на вредноста за еден поен на минус 13,9 поени. Во јануари се зголеми за 0,4 поени.
Истражувањето на тој начин покажа дека расположението на европските потрошувачи во март повторно отстапува од долгорочниот просек, заклучи Комисијата, која го спроведе истражувањето од 1 до 20 март во 26 земји на ЕУ, со исклучок на Шпанија, пренесува Хина. Податоците опфаќаат 89,3 отсто од вкупната финална приватна потрошувачка во еврозоната и 90,9 отсто во ЕУ.
Инфлацијата благо ослабе во февруари, на 2,3 отсто во еврозоната и 2,8 отсто во ЕУ, покажаа пресметките на Европската статистичка служба, но граѓаните проценуваат дека растот на цените е значително посилен.
Цените во јануари, според медиумските проценки на граѓаните анкетирани од Европската централна банка (ЕЦБ), биле за 3,4 отсто повисоки од пред една година, а инфлацијата, според нив, значително ќе го надмине растот на приходите во следните 12 месеци.
ЕК на крајот на месецот ќе објави целосен извештај за економското расположение.
Фото: Pixabay