Бруто домашниот производ во земјите на Организацијата за економска соработка и развој (ОЕЦД) порасна за 1,6 отсто во 2023 година, забавувајќи се од 2,9 отсто во 2022 година, покажаа податоците објавени во средата.
Меѓу 27-те земји на ОЕЦД за кои се достапни податоци, десет забележаа економски пад минатата година, при што економијата на Естонија се намали за најмногу три проценти на годишно ниво.
Само Костарика (5,1 отсто наспроти 4,6 отсто), САД (2,5 отсто наспроти 1,9 отсто) и Јапонија (1,9 наспроти еден отсто) забележаа повисок раст во 2023 година од претходната година, според соопштението на организацијата со седиште во Париз, јавува Anadolu Agency.
Во четвртиот квартал од 2023 година, растот на БДП во областа на ОЕЦД беше 0,4 отсто на квартална основа.
Меѓу земјите од Групата седум (Г-7), БДП порасна за 0,4 отсто во периодот октомври-декември, по растот од 0,5 отсто во периодот јули-септември.
БДП се намалува во Велика Британија за 0,3 отсто и во Јапонија за 0,1 отсто два квартали по ред, а во Германија за 0,3 отсто.
Растот во САД забави на 0,8 отсто во трите месеци до декември од 1,2 отсто во претходниот период.
Франција забележа нула раст втор квартал по ред, додека канадската економија порасна за 0,3 отсто во последниот квартал по падот во третиот квартал.
Од останатите земји на ОЕЦД, Костарика и Норвешка забележаа најсилен раст на БДП во периодот октомври-декември со 1,8 отсто, односно 1,5 отсто, додека БДП најмногу се намали во Ирска за 0,7 отсто.
На годишна основа, БДП во областа на ОЕЦД порасна за 1,7 отсто во четвртиот квартал од минатата година.
