Францускиот производител на автомобили „Рено“ го претстави новиот електричен мал градски автомобил „Твинго“, кој беше развиван две години со помош на инженерски тим од Кина, а ќе се произведува во Словенија и ќе се продава на почетокот на 2026 година, објави компанијата.
„Рено“ сака да го искористи популарното име на моделот и цената под 20.000 евра за да ја зголеми продажбата на своите електрични возила, објави „Ројтерс“.
Новиот „Твинго“ ќе ги задржи контурите на својот претходник од 1992 година и неговите препознатливи тркалезни фарови.