Робот кој дава вакцина без игла и лекар (ВИДЕО)

20

Една од ретките легитимни причини зошто некој би се двоумел да одлучи да се вакцинира е стравот од игли. Затоа, компании како Pfizer ја направија верзијата на нивната вакцина против Ковид во таблети како алтернатива, но има и нов робот кој исто така може да помогне целиот процес на вакцинација да биде помалку застрашувачки, бидејќи ја спроведува вакцинацијата на пациентот сам, но без игла и боцкање.

Роботот е направен од Cobionix, компанија основана од канадскиот универзитет во Ватерло, а неговото име е Cobi.

 

Роботот Cobi е дизајниран и изграден со екстремна флексибилност, а за да ја смени работата потребна му е само надградба на софтверот и мала замена на алатките што ќе ги користи за друга работа.

Ова овозможува масовно да се гради Cobi, со што се намалува и неговата цена, а со цел неговите креатори да ја покажат сета своја флексибилност, направиле демонстрација на која Cobi ја дава вакцината.

И додека многумина би можеле да кажат дека единственото пострашно нешто од медицинскиот професионалец кој сака да забие игла во нечие рамо е всушност робот без манири кој сака да го прави истото, Cobi ја спроведува вакцинацијата на алтернативен начин.

За вакцинација, роботот користи технологија за вбризгување без игла, која користи млаз течност под висок притисок, со дебелина на човечко влакно, за да ја инјектира содржината на вакцината длабоко во ткивото на раката.

Cobi е целосно автоматизиран, бидејќи прво користи камери за да го открие присуството на пациентот, а потоа и документите за идентификација на пациентот. Неговата рака има Lidar сензор кој го скенира пациентот со голема брзина и создава 3D слика од телото на пациентот, која пак се анализира од софтверот на роботот и ја избира најсоодветната точка за инјектирање.

Пациентот добива упатства на екранот за тоа како да се подготви за инјектирање, вклучувајќи инструкции за тоа каде да стои, во која положба и кои делови од облеката да ги отстрани.

Но, и покрај сето ова, во реалниот свет постојат илјадници променливи кои мора да се земат предвид за таков робот да биде ефикасен во таква специфична задача, поради што неговите креатори веруваат дека ќе бидат потребни уште неколку години тестирање и развој пред Cobi. навистина да почне да вакцинира и пациенти.

Автоматизирањето на оваа процедура би ја направило вакцинацијата на големи делови од населението полесна, поефтина, побрза и побезбедна, бидејќи тоа нема да го стави на ризик медицинскиот персонал.