Од 12 до 16 мај на Белградскиот саем ќе се одржи 58 Меѓународен саем на техника и технички достигнувања, на кој ќе се претстават преку 100 техничко – технолошки новитети и иновации, меѓу кои и робот што игра кошарка.
Институтот Михајло Пупин ќе го претстави својот подвижен роботизиран соларен електро – генератор, ќе биде демонстриран робот за чистење на вентилација, робот за заварување, како и други индустриски роботи и еден кој игра “еден на еден” против човек.
На оваа саемска манифестација, меѓу најголемите во регионот, ќе бидат претставени техничко – технолошките достигнувања во скоро сите стопански гранки кои се сметаат за стратешки за денешната економија и најавената реиндустријализација, јавуваат српските медиуми. На саемот со слоган Чекор во иднината ќе бидат прикажани достигнувањата во автоматиката и процесната техника, електроенергетика, електроника, телекомуникации, климатизација, греење и ладење, логистика, материјали, сообраќај…
