Мултинационалната рударска компанија Рио Тинто изгуби радиоактивна капсула претходно овој месец и и се извини на јавноста за тоа.
Тие рекоа дека разбираат дека тоа е многу загрижувачко и дека работат со надлежните за да се најде оваа капсула која содржи цезиум-137 која може да предизвика сериозни здравствени проблеми доколку се допре. Капсулата била изгубена во областа помеѓу Њуман и Перт.
Рио Тинто тврди дека започнал внатрешна истрага за да утврди како капсулата била изгубена при транзит. Капсулата се користела во рудникот Гудаи-Дари во Западна Австралија до 12 јануари, а нејзиното исчезнување било пријавено на 25 јануари.
Властите предупредија на можна радијација низ Западна Австралија. Станува збор за мала сребрена капсула која се користи како сензор, со пресек од шест милиметри и должина од осум милиметри. Сепак, изложеноста на неговата содржина е многу опасна.
Според австралискиот здравствен експерт Ендрју Робертсон, изложеноста е еквивалентна на изложување на 10 рендгенски зраци за еден час, или количината на природно зрачење за една година. Капсулата е изгубена во една од најмалку населените области во земјата. Сепак, властите се загрижени дека некој би можел да ја најде капсулата и да ја земе, не знаејќи што е тоа.
„Ако дојдете во контакт со капсулата или сте во близина на капсулата, може да ја оштетите кожата, што вклучува изгореници“, објасни Робертсон.
Ова се случува кога Рио Тинто се обидува да ја поправи својата репутација оштетена од уништувањето на карпестите засолништа свети за Абориџините како домородно австралиско племе. Компанијата уништила карпести пештери стари 46.000 години за да го прошири рудникот за железна руда. Ова предизвика големо незадоволство и повлекување на неколку врвни луѓе во компанијата, јавува Би-Би-Си.
