„Газпром“ и Русија генерално немаат корист од високите цени на природниот гас на меѓународните пазари. Ова го изјави министерот за енергетика на Русија – Николај Шулгинов, истакнувајќи дека како резултат на високите цени, потрошувачката се намалува, а тоа доведува до забавување на економијата.
„Високите цени на гасот се многу непрофитабилни за „Газпром“ и Русија, бидејќи потрошувачката продолжува да опаѓа, обемот на набавки се намалува и економијата забавува. Не сакаме високи цени, туку стабилни испораки“, рече министерот во интервју за Energy Intelligence.
Сега искористеноста на европските складишта за гас е минимална во последните 10 години. Сепак, според експертите, ситуацијата веќе не е толку критична.
Оптималната светска цена на нафтата е 55-70 долари за барел, при повисока цена има забавување на побарувачката за оваа суровина, изјави рускиот министер за енергетика.
На прашањето дали високите цени на нафтата се добри за Русија, министерот рече дека „од една страна, ова е добро, бидејќи сега има голем обем на тешко обновливи резерви и тие бараат големи инвестиции. Но, како што знаете, кон цената на нафтата многу други цени се „врзани“. Односно, при високи цени на нафтата ќе видиме раст на цените во другите индустрии. Покрај тоа, при високи цени има забавување на растот на побарувачката“.