Јавниот долг на Русија нагло порасна минатата година, со скок на трошоците за негово сервисирање, се наведува во аналитичката белешка од Руската буџетска комора.
„Јавниот долг порасна за 13,5 отсто минатата година на 29,04 трилиони рубљи или 344 милијарди американски долари“, соопшти комората, цитирајќи ја првата проценка на заводот за статистика.
Долгот, изразен како учество во бруто домашниот производ (БДП) изнесува 14,5 отсто, пренесува Мина.
Според податоците од анализата на Буџетската комора, внатрешниот јавен долг се зголемил за 14,1 отсто на 23,47 билиони рубљи.
Нејзиното учество во вкупниот јавен долг се зголеми на 81,8 отсто минатата година, од 81,3 отсто во 2023 година. Лимитот на домашниот јавен долг е 26,68 трилиони рубљи.