Руското Министерство за финансии денеска објави дека одобрило привремена процедура за отплата на долгот на обврзниците деноминирани во странска валута, но предупреди дека плаќањата ќе се вршат во рубљи доколку санкциите ги спречат банките да плаќаат во валутата во која се издадени хартиите од вредност.
„Наводите дека Русија не може да ги исполни своите обврски врз основа на државниот долг се невистинити. Ги имаме потребните средства за да ги сервисираме нашите обврски“, рече министерот за финансии Антон Силуанов во изјава, цитирана од Ројтерс.
Русија во среда треба да плати 117 милиони долари врз основа на две серии обврзници деноминирани во долари.