Леталото RV 20 – првиот српски дрон што може да биде во воздух 30 минути, беше претставен вчера.
Првиот српски дрон, направен целосно во Србија, е дизајниран од машински инженери, односно инженери за авијација, и тој ќе може да извршува разни мисии, вклучително и гаснење пожари, спасување на давеници, пренесување лекови, храна, вода и слично. Водачот на проектот Милош Петрашиновиќ објасни дека леталото може да лета од далечина и да ја извршува својата мисија без пилот.
“Леталото RV 20може да носи опрема за гаснење пожар, може автоматски да испорачува вода, храна, лекови, сè што е важно во недостапните области кога е потребно да се испорачаат овие производи во најбрз можен рок“, рече Петрашиновиќ.
Беспилотното летало беше претставено на забавата што се одржа по повод првиот роденден на Центарот за истражување на розовите PR-DC, во кој е дизајниран и изграден RV 20.
Инаку, како што рече Петрашиновиќ, ваквите проекти во светот се реализираат во рок од пет години, а компанијата PR-DC, која имаше рок од две години, тоа го стори за девет месеци.
Компанијата PR – DC, како што рече сопственикот на Pink Media Group, Жељко Митровиќ, настанала од десетгодишно пријателство со семејството Петрашиновиќ.
Фото: Printscreen YouTube
