Фото: Pixabay
Ирскиот авиопревозник Ryanair за прв пат воведува летови за Турција, со две нови линии до туристичката област Даламан од Даблин и Братислава, пишува Hürriyet Daily News.
Двете линии ќе бидат функционални еднаш неделно почнувајќи од јуни, како дел од летниот распоред на авиокомпанијата за 2018 година. Картите за резервација се веќе во продажба.
“Ryanair со задоволство го најавува својот влез на турскиот пазар, првично со две нови линии од Даблин и Братислава до Даламан. Двете линии ќе оперираат еднаш во неделата, а картите ќе можат да се купат на веб страната на Ryanair.com“, изјави главниот комерцијален директор на Ryanair, Дејвид О’Брајан.
