САД ги отвораат границите за вакцинираните странци

32

Соединетите држави од денес ќе ги отворат границите за странци вакцинирани против коронавирусот.

Сепак, странците треба да бидат имунизирани со вакцини кои се одобрени од Американската агенција за храна и лекови (ФДА) или Светската здравствена организација (СЗО), според Гласот на Америка.

Рестрикциите на почетокот на 2020 година почна да ги воведува Доналд Трамп, а потоа ги потврди и неговиот наследник Џо Бајден, но во дел од јавноста тие наидоа на остри критики.

За да се заштитат од ковид-19, американските власти етапно воведуваа рестрикции за патници од земји кои беа најризични.

Во пресрет на најавеното укинување, авиокомпаниите, како што пренесуваат медиумите, го зголемуваат бројот на трансатлантски летови и планираат да користат поголеми авиони.