САД го детронира Катар како најголем извозник на течен природен гас

89

Според податоците од декември, САД веќе се најголемиот извозник на течен природен гас во светот. Причината – зголемени испораки на „гладната“ за енергија Европа.

Значителниот скок во производството на течен природен гас најмногу доаѓа од Sabine Pass на компанијата Cheniere Energy во Тексас.

Зголемувањето на цените во Европа во последните месеци ги поттикна американските извозници да извезуваат повеќе на континентот отколку во Азија. Во услови на тешка енергетска криза, бројот на американските танкери со снабдување со течен природен гас скокна за 50% само 24 часа пред Божиќ.

Цистерните кои патуваат во Азија дури го сменија курсот и се упатија кон Европа, каде што цените на сините горива се повисоки.

Се проценува дека САД годинава го задржуваат првото место во извозот на течен природен гас, но Катар може да ги престигне. Земјата го зголемува производствениот капацитет од 77 милиони тони годишно на над 100 милиони тони, пишува Oilprice.

„Катар и САД ќе бидат најголеми светски производители на течен природен гас во следната деценија“, рече Максут Ашраф, извршен директор на глобалната мултинационална енергетска компанија Accenture.

Проектите за извоз на течен природен гас во САД се во пораст, а до крајот на 2022 година американскиот капацитет дополнително ќе се зголеми, соопшти минатата година Управата за енергетски информации. Се проценува дека извозниот капацитет на Америка ќе го надмине оној на двата најголеми светски извозници на LNG – Австралија и Катар.

Зголемувањето на извозот на течен природен гас во САД предизвика немири во Конгресот. Сенаторката Елизабет Ворен ја обвини индустријата дека производството е на ниско ниво, но се зголемува извозот, што создава ризици.