САД и ЕУ на работ на трговска војна

53

Европа и САД се најдоа на работ на трговска војна.

Протекционистичките мерки на САД во рамките на развојот на зелените технологии може да доведат до трговска војна со Европската унија.

Брисел треба да преговара со Вашингтон на оваа тема, пишува Spiegel.

Според извршниот потпретседател на Европската комисија, Валдис Домбровскис, американскиот закон содржи „голем број нефер одредби кои ги прекршуваат правилата на меѓународната трговија“.

„Нашата цел е да им дадеме на европските компании ист пристап до американскиот пазар каков што имаат компаниите од Мексико или Канада“, рече тој.

На новинарско прашање дали Брисел се подготвува за трговска војна, функционерот рече дека е за пристап „чекор по чекор“.

„Време е да разговараме. Да завршиме во декември. Доколку резултатот не ги исполни нашите очекувања, ќе го подготвиме следниот чекор“, изјави Домбровскис.

CNBC претходно објави дека Европската унија, плашејќи се за својата индустрија, силно и едногласно се спротивстави на законодавството иницирано од американскиот претседател Џо Бајден за намалување на инфлацијата.

Францускиот претседател Емануел Макрон го критикуваше законот на администрацијата на Бајден, нарекувајќи го непријателски и неконзистентен со стандардите на Светската трговска организација.

Според Тиери Бретон, европски комесар за внатрешен пазар, Европската унија ќе биде принудена да возврати на законот.

Конкретно, документот предвидува даночни олеснувања кои поттикнуваат купување само на оние електрични возила кои се склопуваат во САД и содржат батерии направени од американски компоненти.