САД беа најголемиот светски извозник на нафта и нафтени производи во 2025 година, со просек од 10,714 милиони барели дневно. Следува Саудиска Арабија со 7,915 милиони и Русија со 6,634 милиони барели дневно, според податоците на ОПЕК обработени од „Визуел Капиталист“.
Канада го зазеде четвртото место со 4,129 милиони барели дневно, а Обединетите Арапски Емирати петти со 3,901 милиони. Саудиска Арабија учествува со 10,3 проценти од светскиот извоз вклучен во оваа споредба, а Емиратите со 5,1 процент.
Иако САД го предводат списокот на земји, Блискиот Исток е најголемиот извозен регион. Во текот на 2025 година, од тој регион беа извезени просечно 22,359 милиони барели дневно, односно 29,2 проценти од вкупниот светски извоз.